Fw: [Yahalu-Yeheli] විමල් වීරවංශගේ මගඩි නාටකයේ පශ්චාත් මරණ පරීක්ෂණය

100% correct

----- Forwarded Message ----
From: Italy Boy <italy_boy@rocketmail.com>
To: yahaluyeheli@yahoogroups.com; sri lanka <Srilanka_Friends@yahoogroups.com>
Sent: Tue, July 13, 2010 12:45:48 AM
Subject: Re: [Yahalu-Yeheli] විමල් වීරවංශගේ මගඩි නාටකයේ පශ්චාත් මරණ පරීක්ෂණය

ලංකාවේදී යුද සමය තුළ සිදුවී ඇති මානව හිමිකම් උල්ලංඝනය වීම පිළිබඳව තමන්ට උපදෙස් සැපැයීම පිණිස එක්සත් ජාතීන්ගේ සංවිධානයේ මහ ලේකම් බැං කි-මූන් විසින් සාමාජිකයින් තිදෙනකුගෙන් යුතු කමිටුවක් පත්කර ගැනීමේ තීරණය විරාම ලකුණක හෝ වෙනසකින් තොරව තව දුරටත් ක්‍රියාත්මකය. විමල් වීරවංශගේ මාරාන්තික උපවාස මගඩිය නිසා සිදුවූයේ එයට එතෙක් නොලැබුණු අන්තර්ජාතික ප්‍රසිද්ධියක් ලැබීම පමණකි. මේ කමිටුවේ ක්‍රියාකාරකම් වලට මේ නිසා අන්තර්ජාතික අවධානයක් යොමුවනු ඇති අතර එය ලංකාණ්ඩුව ඉල්ලාගෙන කෑමකි. මේ නිසා විමල් වීරවංශ විසින් සැබැවින්ම කර ඇත්තේ ඔහු ගලවා ගැනීමට උත්සාහ කළේය කියන 'රණවිරුවන්' (හෝ 'මානව හිමිකම් උල්ලංඝකයින්' – කැමැති වචනයක් යොදා ගන්න.) තවත් අපහසුවට පත් කිරීමය --- On Mon, 7/12/10, Italy Boy <italy_boy@rocketmail.com> wrote: From: Italy Boy <italy_boy@rocketmail.com> Subject: [Yahalu-Yeheli] විමල් වීරවංශගේ මගඩි නාටකයේ පශ්චාත් මරණ පරීක්ෂණය To: yahaluyeheli@yahoogroups.com, "sri lanka" <Srilanka_Friends@yahoogroups.com> Date: Monday, July 12, 2010, 8:42 PM  මගඩි නාටකය' කී විට මෙතෙක් අප සිහියට නැඟුණේ මඩොල් දූවේ සුරංචියාය. මින්පසු අපට සිහියට නැඟෙනු ඇත්තේ විමල් වීරවංශ නම් පුස්සා හා කොමඩියක් සේ අවසන් වූ ඔහුගේ 'මාරාන්තික උපවාස' නාඩගමය. උපවාසය ලොව බොහෝ ආගම් වලින් අනුදත්, නිවැරදිව කරතොත් සෞඛ්‍යයට අර්ථදායී ක්‍රියාවකි. එය දේශපාලනය හා මුසු කරන ලද්දේ මහත්මා ගාන්ධි විසිනි. පරාක්‍රාන්ත දේශපාලන ආයුධයක් සේ උපවාසය යොදා ගැනීම ගාන්ධිගේ අහිංසා ව්‍යාපාරය තුළ ගනු ලැබූ ඉතා නිවැරදි තීරණයකි. යම් නියත අරමුණක් වෙනුවෙන් මරණය එළඹෙන තෙක් අධිෂ්ඨාන සහගතව නිරාහාරව සිටීම තරම් වන අත්‍යුත්කෘෂ්ට කැපැවීමක් බටහිර ලෝකයට ආගන්තුක වීම තුළ ගාන්ධි ජාත්‍යන්තර මාධ්‍යයන්හි අවධානය දිනා ගැනීමට සමත්වූ අතර මේ මාධ්‍ය ප්‍රයෝගය (media game) සුභාෂ් චන්ද්‍ර බෝස්ගේ සන්නද්ධ විරෝධතා ව්‍යාපාරයට සාපේක්ෂව අතිශය ජව සම්පන්නවූ බව කෙටි කලෙකින්ම ප්‍රායෝගිකව ස්ඵුථ කොට දක්වන ලද්දේය. විවිධාකාරයේ උපවාස ලංකාවේ දේශපාලන ඉතිහාසයට ආගන්තුක නොවූවද මේවා අතුරින් සාර්ථකත්වයට පත්වුයේ හාවා හඳ දැක්කාක් සේ කලාතුරෙකින් එකකි. අපේ රටේ මරණයෙන් කෙළවර වූ එකම 'මාරාන්තික' උපවාසය 1987දී කොටි සංවිධානය වෙනුවෙන් රාසයියා පර්තිපාන් හෙවත් තිලීපන් විසින් කළ එකය. තිලීපන්ගේ උපවාසය තුළින් කොටි සංවිධානය, ඉන්දියානු සාම සාධක හමුදාවේ ක්‍රියාකාරකම් හමුවේ ඇතිවූ තාවකාලික සාම පර්යාවරණය තුළ තමන්ට අහිමි වෙමින් පැවති දෙමළ ජන ප්‍රසාදය යළි දිනා ගැනීමට පමණක් නොව වෙනත් දේශපාලන හා සන්නද්ධ කණ්ඩායම් නිෂේධ කොට දෙමළ ජනතාවගේ එකම නියෝජිතයා සේ තමන් පිළිගැනීමට ඔවුන්ට බල කෙරෙන වාතාවරණයක් ගොඩ නැඟීමට සමත් විය. ඒ අරුතින් එය ලංකාවේ සාර්ථක වූ එකම දේශපාලනික මාරාන්තික හෝ මාරාන්තික නොවන උපවාසය සේද ගිණිය හැකිය

10